દ્રશ્યોન્મિલિત-શબ્દાભિવ્યક્તિ——–દીપક ત્રિવેદી

દ્રશ્યોન્મિલિત-શબ્દાભિવ્યક્તિ——–દીપક ત્રિવેદી

જળમાં ડૂબી ગયા તે જળમાં રહી જવાનાં
રસ્તાઓ તો યથાવત કાંઠે વહી જવાનાં

આંબાની ડાળ હો કે આંખોમીંચામણી હો-
વડવાઇમાં લીખિતમ શૈશવ સહી જવાનાં

પથ્થરની પાંચ વેંતો ભરવા રહ્યા પ્રિયે ત્યાં-
સૌ પાળિયા કથિતમ પથ્થર રહી જવાનાં

દિગમ્બરી ક્ષણોને જો મખમલિત કરો તો-
મિથ્યા પ્રયત્ન સર્વમ દ્રશ્યો કહી જવાનાં

પગલું પડે તો ઝીલું ઝલમલ થતા કિનારે-
જળમાં કશું ન પશ્યત પગલાં વહી જવાનાં

—-દીપક ત્રિવેદી