મોળાવ્રત ( મોરકત ) રે ' તી છોકરીનું ગીત --------દીપક ત્રિવેદી
ગોરમાનો વર કેસરિયો રે રંગે રમવા જાય ...
આગળપાછળ પુતળિયું રે હાલકડોલક થાય ...
માંડ જવેરા વાવ્યા એના વાંભ - વાંભના કોંટા ...
પછી સરોવરના કાંઠા પર વરસ્યા ગુલાબગોટા ...
ગોરમાનો વર વાંકડિયો રે ઝોલાં એવાં ખાય ...
આગળપાછળ પુતળિયું રે હાલક ડોલક થાય .....
પહેરેલા ઘરચોળે સૈયર ચાંદલિયાની ભાત !
હું ખેડૂની છોરી રે ના સમજી એક્કે વાત !
ગોરમાનો વર નાવલિયો રે ચણોઠડીની ઝાંય ...
આગળપાછળ પુતળિયું રે હાલકડોલક થાય .....
------------દીપક ત્રિવેદી
No comments:
Post a Comment